پۆڵەتیک پرێس
چەکدارانی داعش دەستیان بەسەر دورگەی بەهەشت لەسەر زەریای هندی لە رۆژئاوای ئەفریقا گرت، ئەو دورگەیەی چەندین کەسایەتی دیاری وەک کریستیانۆ رۆناڵدۆ، شازادە ئالبێرتی دووەم شازادەی مۆناکۆ، دانیاڵ کرەیگ و نێڵسن ماندێلا سیاسی کۆچکردوو لە پشووەکانیاندا سەردانیان دەکرد.
میدیا جیهانییەکان بڵاویانکردەوە، چەکدارانی داعش هەستاون بە سوتاندنی هۆتێلەکانی دورگەی بەهەشت لەسەر کەناری زەریای هندی، هاوکات دەستیان بەسەر دورگەکانی فامیزی و میکۆنگۆدا گرتووە، کە سەر بە مۆزەمبیقن لە رۆژئاوای ئەفریقا و ماڵ و کێڵگەکانیان سوتاندووە و داوایان لە دانیشتووانەکانیان کردووە شوێنەکانیان بەجێبهێڵن.
دانیشتوویەکی دورگەی میکۆنگۆ رایگەیاند، چەکدارانی داعش لە شەودا بە بەلەم گەیشتوونەتە دورگەکە و پێیان وتووین: ئەگەر دەتانەوێت بژین پێویستە رابکەن و دورگەکە بەجێبهێڵن.
رێکخراوی چەکداری داعش سێ ساڵ لەمەوبەر هێرشی کردە سەر ئەو ناوچانە و زیاتر لە هەزار و ٣٠٠ کەسی کوشت و دەستی بەسەر رووبەرێکی بەرفراوانی ئەو ناوچانەدا گرت.