لەسەر دۆسیەیەكی گەندەڵی بەبڕی ٢٠ ملیار دۆلار پەرلەمان لێکۆڵینەوە دەکات

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

لەسەر دۆسیەیەكی گەندەڵی بەبڕی ٢٠ ملیار دۆلار لە پڕۆژەی بەندەری گەورەی فاو، لیژنەیەكی لێكۆڵینەوە لە ئەندامانی ئەنجومەنی نوێنەرانی عێراق پێكهێندرا.

سۆران عومەر ئەندامی ئەنجومەنی نوێنەرانی عێراق لە تۆڕی كۆمەڵایەتی فەیسبوك بڵاویكردەوە، لیژنەیەك لەسەر گومانی گەورەترین گەندەڵی لە عێراق پێكھێنرا، كە لە ١٣ پەرلەمانتار پێكھاتووە و دەستیانكردووە بە لێكۆڵینەوە و بەدواداچوون لەسەر كۆمپانیای گشتی بەندەرەكانی عێراق، بەتایبەت گرێبەست و داھات و كارەكانیان لە بەندەری فاو، كە گومانی گەندەڵی بەبڕی ٢٠ ملیار دۆلار دەكرێت.

لە نوسراوێكیشدا كە ئیمزای موحسن مەندەلاوی سەرۆكی ئەنجومەنی نوێنەرانی بە وەكالەت لەسەرە تیایدا ئاماژە بەوەكراوە، یاسر ھاشم حوسەینی ئەندامی ئەنجومەنەكە سەرۆكایەتی ئەو لیژنەیە دەكات.

بەندەری فاوی گەورە یەكێكە لە گەورەترین بەندەرەكانی كەنداوی عەرەبی، ھەروەھا دەیەم گەورەترین بەندەرە لەجیھاندا.