ساڵح موسلیم: توركیا بەناوی ئاشتییەوە هێرش دەكاتە سەر وڵاتان و داگیری دەكات

ئەم بابەتە 57 جار بینراوە

پۆڵەتیك پرێس

ساڵح موسلیم بەرپرسی پەیوەندییەكانی دەرەوەی تەڤدەم ئاماژە بەوە دەكات دەوڵەتی توركیا هیچ كات كاری بۆ ئاشتی نەكردووە، بەڵكو لەبری ئەوە هەوڵی داگیركردنی كوردستان و وڵاتانی دیكەی داوە.

 

ئەوەشدەخاتەڕوو، تاكە كەس كە كاری بۆ ئاشتی كردووە فەرماندە عەبدوڵا ئۆجالانە كە 21 ساڵە لە زیندانی ئیمڕالی دا دەستبەسەرە.

 

ساڵح موسلیم لەمیانی چاوپێكەوتنێكدا لەگەڵ ئاژانسی هاوار نیوز كە بەبۆنەی رۆژی جیهانیی ئاشتیەوە لەگەڵی سازكراوە باس لەوەدەكات، هیچ كام لە وڵاتانی جیهان هیچ كارێكیان بۆ ئاشتی نەكردووە و لە ڕاگەیاندنی ڕۆژی جیهانیی ئاشتییەوە تا ئەمڕۆ شەڕەكانی جیهان نەوەستاون، رۆژی جیهانی ئاشتی تەنیا سیمبولێكە، تاكە كەس كە كاری بۆ ئاشتی كردووە عەبدوڵڵا ئۆجەلانە كە 21 ساڵە لە زیندانی ئیمڕالی دەستبەسەرە.

 

راشیگەیاندووە، دەوڵەتی توركیا نەك ئەوەی كاری بۆ ئاشتی نەكردووە، بەڵكو بەشێوەی جۆراوجۆر درێژە بە شەڕەكانی دەدات بۆ ئەوەی لە كاردانەوەی جیهانی دوور بێت لە لێدانی ئاشتی.

 

هیچ كام لە وڵاتانی جیهان كاريان بۆ ئاشتی نەكردووە

 

رۆژی جیهانی ئاشتی لەدوای جەنگی دووەمی جیهانیی ڕاگەیەنرا كە تێیدا گیانی ملیۆنان كەس بانگەشەی دەكرد و چەندین وڵاتی وێرانكرد، لەو بارەیەوە ساڵح موسلیم دەڵێت، “ئەم ڕۆژە ڕاگەیەنراوە، بەڵام زلهێزە نێودەوڵەتییەكان هیچ كارێكیان بۆ پاراستنی جیهان ئەنجام نەدا، ئەم ڕۆژە لەسەر بنەماكانی دادپەروەری، ئازادی، یەكسانی و وەدیهێنانی ماف بوو.”

 

وتیشی: “لەم هەرێمەی ئێمەدا هیچ كات شەڕەكان نەوەستان، چ شەڕی شاراوە، شەڕی تایبەت یان شەڕی نێوان دەوڵەتان، دەوڵەتی داگیركەری تورك هەرگیز رۆژی ئاشتی جیهانی نەناسیووە، داگیركاریی قوبرس و داگیركاریی لە باشوری كوردستان چی، ئەو شەڕانەی كە بەرامبەر بە ڕۆجێی عەفای كوردستان، شەڕەكانی ناو توركیا دەیدات، وێرانكردنی هەموو ئەو شارانە بەڵگەی ئەوەیە كە توركیا هەرگیز دان بە ئاشتی جیهاندا نەنانێت و هەرگیز ڕێزی لێنەگرتوە”.

 

لەبەشێكی دیكەی قسەكانیدا ساڵح موسلیم باس لەوەدەكات، دەوڵەتی تورك كە شانازی بە دوای ئاشتییەوە دەكات، داعشی دروستكردووە و تائێستاش هێرش دەكاتە سەر كوردستان و وڵاتانی دیكە، سەبارەت بە ناكۆكیی نێوان ئیعدەكانی دەوڵەتی تورك و پراكتیكە كردارییەكانی، جەخت لەوەدەكاتەوە، داعش لەلایەن دەوڵەتی توركەوە دامەزراوە، بۆ ئەوەی لە ئاستی نێودەوڵەتیدا بەبێ ئەوەی لێپرسینەوە لە ئاستی نێودەوڵەتی دا بكات.

دەوڵەتی تورك كە شانازی بە دوای ئاشتییەوە دەكات، داعشی دروستكرد و تائێستاش هێرش دەكاتە سەر كوردستان و وڵاتانی دیكە

 

دەشڵێت، “توركیا بەشێوەی جۆراوجۆری شەڕەوە خەریكە وە هەموو ئەو كێشە و ناكۆكیانەی لە ڕۆژهەڵاتی ناوەڕاستدا هەیە وەك سۆماڵ، ئازەربایجان و كوردستان، دەوڵەتی تورك دەبێت دەستی تێدا هەبێت، ناوچەكە كرا بە گەرمترین جێگای شەڕ، ڕۆژی ئاشتی جیهانی وەك ڕۆژێكی ڕەمزی بوونی هەیە و هیچ پرەنسیپێكی بۆ دانەمەزراوە، ئەگەر بتەوێت لە نیشتمانێك شەڕ نەهێڵیت، پێویستە پەیمان و پرەنسیپی نێودەوڵەتی هەبێت بۆ ئەوەی شەڕ نەهێڵێت، بەڵام دەوڵەتی تورك هێشتا لەسەر ئەم بنەمایە كاری نەكردووە”.

 

ئەوەشدەخاتەڕوو، وڵاتان لە بەرامبەر شەرەكانی توركیا دەوەستن یان سەیریان دەكەن، بێدەنگ دەبن و بەشداری تێدا دەكەن، كاتێك وڵاتانی ئەوروپا پشتگیری خۆیان بۆ گەلی كورد نیشان دەدەن، دەوڵەتی تورك كار دەكات بۆ هەڕەشەكردن لە ئەوروپا بە پەنابەرە كاغەزییەكان و داعش، بەو بۆنەوە ئەو وڵاتانە بێدەنگن بەرامبەر ئەوەی كە گەلی كورد بەرامبەری دەكرێت.

ئەوانەی بەڕاستی دەیانەوێت ئاشتی لە رۆژهەڵاتی ناوەڕاستدا بەدی بهێنن، دەبێت لەگەڵ فەرماندە عەبدوڵا ئۆجەلان دانیشن


هاوكات باس لە رۆڵی عەبدوڵا ئۆجەلان رێبەری پارتی كرێكارانی كوردستان پەكەكە دەكات و پێیوایە كەسێك كە زۆرترین پابەندی بە ڕۆژی ئاشتییەوە هەیە، فەرماندە عەبدوڵا ئۆجەلانە.

 

وتیشی :” ئەوانەی بەڕاستی دەیانەوێت ئاشتی لە رۆژهەڵاتی ناوەڕاستدا بەدی بهێنن، دەبێت لەگەڵ فەرماندە عەبدوڵا ئۆجەلان دانیشن و بەدوای ئەوەدا بگەڕێن كە فەرماندە ئۆجەلان لەناو گەلی خۆیدا هەبێت، هەموو جیهان ئەم راستییە دەزانێت، دەوڵەتی توركیش ئەم راستییە دەزانێت، بۆیە فەرماندە عەبدوڵا ئۆجەلانیان دەستگیركردو زیندانی كردووە لە پێشێلكردنی ئاشكرای یاسا نێودەوڵەتییەكان، كە دەیانەوێت پابەند بن بە واتاكانی ڕۆژی ئاشتی جیهانی، لە سەرووی هەمووشیانەوە دەبێت سەیری فكر و بۆچوونەكان بكەن”.

 

لەبارەی راپۆرتی كۆمیتەی ئەوروپا دژ بە ئەشكەنجە لەسەر دۆخی ئۆجەلان، ساڵح موسلیم باس لەوەدەكات، ئەركی كۆمیتەی دژ بە ئەشكەنجە گۆڕینی مەرجەكانی دەستبەسەركردن و وەستان و پێشگرتن لە ئەشكەنجە، بەڵام لە جیاتی ئەوان دەچنە ئیمرالی و ڕاپۆرتی خۆیان دەنوسن و دەڵێن ئەمە روویداوە، ئەركی كۆمیتەی دژ بە ئەشكەنجە لە بنەڕەتدا ئەوەیە كە ئەو پێشێلكارییانە بنوسنەوە، ئەم پێگەیە ئەنجامی بەرژەوەندیی نێودەوڵەتییە، چونكە بنەماكانیان پیشەسازی ئاشتی نییە، ئەو گۆشەگیرییەی بەسەر فەرماندە عەبدوڵا ئۆجەلاندا سەپێندراوە، ئابڕوچوونێكی مێژووییە بۆ جیهان ئەوان هەرگیز ئاشتییان ناوێت، چونكە شەڕو سەرچاوەی سامانیان، كە بەرژەوەندی لە شەڕەكاندا دەبینن نایانەوێت بوەستن و كەمبكرێنەوە و ڕێگرییان لێ بكرێت، تا ئەو كاتەی ستەم و زۆرداریی هەیە باس لە ئاشتی جیهانی ناكرێت.

پەخشی راستەوخۆی رادیۆ پۆلەتیک