توركیا دەبێتە هەڕەشە بۆسەر دارستانەكانی دهۆك

پۆڵەتیك پرێس

ماوەیەكە توركیا ده‌ستی داوه‌ته‌ بڕینی داری شاخه‌كانی كوردستان و تێكدانی سروشت و ژینگه‌ی ئه‌و ناوچانه‌ی كه‌ سوپای وڵاته‌كه‌ی تێدا جێگیربووه‌ ئه‌وه‌ش نیگه‌رانی لای هاووڵاتییان دروستكردووه‌ چالاكوانێكی بواری ژینگە لە ناوچە سنورییەكانی سەر بەپارێزگای دهۆك رایدەگەیەنێت، بەهۆی توركیاوە دارستان و سروشتی ناوچەكانی پارێزگای دهۆك لەبەردەم هەڕەشەو لەناو چوندایە و كارەساتی ژینگەیی لەو ناوچانە دەخولقێت.

كۆڤان حسێن ، چالاكوانی بواری ژینگە، بەپۆڵەتیك پرێس راگەیاند، لە 80%ی ئەو ناوچانەی توركیا داگیری كردووە دەستی كردووە بەبڕینی دارەكانی و لەرێگەی كۆمپانیاو جاشی وڵاتەكەیەوە دارەكانی سەر سنور دەبڕێت و دەیگوازنەوە بۆ توركیا ئەوەش كارەساتی ژینگەیی دەخولقینێت لەسەر سنوری هەرێمی كوردستان.

وتیشی ، سنورەكە زۆر فراوانەو سوپای توركیا بە بەقوڵی 80 كیلۆ مەتر و بەپانی 40 كیلۆمەتر لەناو خاكی هەرێمی كوردستان لەگوندەكانی( سنات ، بساغا، شرانس، ئەفهەلی، كەشان، نزور، ریسێ، سویلی، زناری كیستی، هرور، قمری )و زۆر شوێنی دیكە. سروشت و ژینگەی كوردستان دەشێوێنێت و داری، گوێز بەرو ، مازی و داری قەزوان دەبڕێت و دەیگوازێتەوە بۆ توركیا.

بەوتەی ئەو چالاكوانەی بواری ژینگە، ئەو دارانەی سوپای توركیا دەیان بڕێت تەمەنیان لەنێوان 350 بۆ 400 ساڵدایە.

ئاماژەی بەوەشكرد، هەرچەندە پەرلەمان و حكومەتی هەرێم هاتوونەتە سەرخەت بۆچارەسەركردنی كێشەكە لەهەمان كاتیشدا هەوڵیش دراوە كێشەكە لەرێگەی كۆمەڵایەتی چارەسەر بكرێت و پەیوەندی بەخەڵكی ئەو دیوی سنور كراوە تا هەوڵ بدەن رێگری بكەن لەو هەڵمەتەی توركیاو رایبگرن بەڵام سەرجەم هەوڵەكان بێسوود و بێ ئەنجام بوون.

پێشتریش سوپای توركیا لەكاتی داگیركردنی چاری عەفریندا، بەهەزاران درەختی زەیتونی ئەو شارەی بڕی و لەناوی برد ئەوەش لەكاتێكدا بووبوو ئەو شارە بەشاری زەیتون ناسرابوو.