دوایین زانیاری لەبارەی چاكسازی لە مووچەی خانەنشینی پلە باڵاكاندا

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

بەڕێوەبەری ئاماری خانەنشینی هەرێمی كوردستان ئاشكرای كرد، تا دوای جەژنی قوربانی پێویستە سەرجەم پلە باڵاكان ئەو فۆڕمەی كە بەسەریاندا دابەش كراوە، بیگەڕێننەوە، ئەگەرنا رێكاریان بەرامبەر دەگرێتە بەر و مووچەیان رادەگیرێت تا فۆڕمەكە دەگەڕێننەوە.

سەباح موخلیس، بە ماڵپەڕی فەرمیی پارتی راگەیاندووە، لە ئێستادا لە پلە باڵاكان تەنها ئەندام پەرلەمانەكان ماون چاكسازییان تێدا بكرێت، كە ژمارەیان 430 ئەندامە و بڕیارە دوای جەژن دەست بە چاكسازی لە ناوی ئەوانیشدا بكرێت.

موخلیس وتیشی: بۆ دیاریكردنی ئەو كەسانەی بە پلە باڵا خانەنشین بوون، فۆرمێكمان دابەش كردووە تا بزانین كێ بە فیعلی پلە باڵا بووە و خانەنشین بووە و كێش كەموكوڕیی هەیە و كێ نایاساییە، كە لە رێگەی ئەو فۆڕمەوە هەموو وردەكارییەكانمان بۆ ئاشكرا دەبێت.

باسی لەوەش كرد: تا ئێستا نزیكەی هەزار فۆرممان بۆ گەڕاوەتەوە و بەشێكیشی ماون و پێویستە تاوەكو دوای جەژن ئەوانیش بیگەڕێننەوە، ئەگەرنا رێكاریان بەرامبەر دەگرینە بەر وەكو راگرتنی مووچە تا فۆڕمەكە دەگەڕێننەوە، چونكە پێویست بوو پێش جەژن فۆڕمەكە بگەڕێننەوە.