‎ بافڵ جەلال تاڵەبانی بۆ بزوتنەوەی گۆڕان:ئەم یادە دەرفەتێك بێت بۆ پەرەپێدانی زیاتری پەیوەندییەكانمان

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

بافڵ جەلال تاڵەبانی، سەرۆكی یەكێتیی نیشتمانیی كوردستان، بە بۆنەی ساڵیادی دامەزراندنی بزوتنەوەی گۆڕانەوە پیرۆزبایی ئاڕاستەی ئەو بزوتنەوەیە دەكات و دەشڵێت، هیوادارم ئەم یادە دەرفەتێك بێت بۆ پەرەپێدانی زیاتری پەیوەندییەكانمان.

لە پەیامەكەیدا كە ئاراستەی جڤاتی نیشتمانی، هەڵسوڕاو و لایەنگرانی بزووتنەوەی گۆڕانی كردووە هاتووە، ‎بە بۆنەی ساڵیادی دامەزراندنی بزووتنەوەكەتانەوە گەرمترین پیرۆزباییتان لێدەكەم و هیوای سەركەوتنتان بۆ دەخوازم.

ئەوەشی خستووەتە ڕوو، ‎هیوادارم ئەم یادە دەرفەتێك بێت بۆ پەرەپێدانی زیاتری پەیوەندییەكانمان، قووڵكردنەوەی گیانی تەبایی و یەكهەڵوێستی لەبەرامبەر پرسە نەتەوەیی و نیشتمانییەكان، پێكەوە لە هەوڵەكانمان بەردەوامبین لەپێناو سەرخستنی پرۆسەی چاكسازی، بەرەوپێشبردنی سیستمی حوكمڕانی لە هەرێم و جێبەجێكردنی خواست و داوا رەواكانی خەڵكی خۆشەویستی كوردستان.