پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
سەرۆكی هەرێمی كوردستان لە هەولێر بەشداریی لە پرسەی دوو مامۆستاكەی زانكۆی سەلاحەدین كرد و رایگەیاند، دادگا و لایەنە پەیوەندیدارەكان هەموو رێكارێكی یاسایی دەگرنەبەر و تاوانكار رووبەڕووی سزای یاسایی خۆی دەبێتەوە.
رۆژی چوارشەممە 29ی حوزەیرانی 2022 نێچیرڤان بارزانی، سەرۆكی هەرێمی كوردستان لە هەولێر بەشداریی لە پرسەی د. كاوان ئیسماعیل و د. ئیدریس حەمەخان، هەردوو مامۆستاكەی زانكۆی سەلاحەدین كرد كە رۆژی سێشەممە 28ی حوزەیرانی 2022 لەلایەن خوێندكارێكی زانكۆی سۆرانەوە كوژران.
سەرۆكایەتیی هەرێمی كوردستان لە راگەیەندراوێكدا ئاماژەی بەوە كردووە، نێچیرڤان بارزانی پرسە و سەرەخۆشی و هاوسۆزیی لەگەڵ خێزان و كەسوكار و مامۆستایان و قوتابیانی زانكۆدا دەربڕی و هیوای خواست خوای مەزن گیانی هەردووكیان بە بەزەیی و میهرەبانیی خۆی شاد بكات و سەبووری و ئارامی بە هەمووان ببەخشێت.
بەپێی راگەیەندراوەكە، سەرۆكی هەرێمی كوردستان لە پرسەكەدا، هەمووانی دڵنیا كردووەتەوە كە دادگا و لایەنە پەیوەندیدارەكان هەموو رێكارێكی یاسایی دەگرنەبەر و تاوانكار رووبەڕووی سزای یاساییی خۆی دەبێتەوە.
قەیوان گروپ
مایۆرکا سیتی جوانییەک لە دڵی سروشتدا
