باشترین خواردنەکان بۆ گەشەی منداڵان

پۆڵەتیک پرێس

بەشێوەیەکی گشتی هەموو دایکان بەردەوام لە دوودڵیدان دەربارەی کێش و گەشەی منداڵەکانیان، خواردنەکان تەنها یارمەتی گەشەی جەستەیان نادەن بەڵکو یارمەتی گەشەی مێشکیشیان دەدەن.

باشترین خواردنەکان بۆ گەشەی منداڵان:

-میوەکان
منداڵان خێراتر خواردنەکان هەرس دەکەن و وزەیەکی زۆریان دەوێت، چونکە بەردەوام دەجوڵێن، میوەکانی وەک سێو، مۆز، هەرمێ و ئەوانی دیکەش سەرچاوەیەکی سەرەکی ڕیشاڵەکانن هەستی تێربوون زیاددەکەن بۆیە دەتوانرێت وەک ژەمێکی سووک بە منداڵ بدرێت.

-ئەو خواردنانەی دەوڵەمەندن بە ڤیتامین بی
ڤیتامین بی سوودێکی زۆری بۆ تەندروستی و گەشەی منداڵ هەیە، یارمەتی دروستبوونی ماسولکەکان و بەرهەمهێنانی خڕۆکە سوورەکان دەدات، ئەو ڤیتامینەش لە سەوزەواتەکان، پەتاتە، گۆشت، چەرەساتەکان و هەندێک لە خواردنەکانی دیکەدا هەیە.

-هێلکە
سەرچاوەیەکی سەرەکی پڕۆتین و ڤیتامینەکانە، هەستی تێربوون زیاددەکات و یارمەتی گەشەی منداڵ دەدات.

-سەرچاوەکانی کالیسیۆم
سەرچاوەکانی کالیسیۆم وەک شیر، شیری چەرەساتەکان، شیری شۆفان، بادەم و ماست دەوڵەمەندن بە کانزای کالیسیۆم کە بۆ جەستەی منداڵ و گەشەیان پێویستن.