پۆڵەتیك پرێس:
ئەمریكا نیگەرانی خۆی نیشاندا لە جوڵەكانی توركیا لە رۆژهەڵاتی دەریای ناوەڕاست.
مایك پۆمپەیۆ وەزیری دەرەوەی ئەمریكا دوێنێ چووە قوبرس لەوێ چاوی بە نیكۆس ئاناستاسیادیس سەرۆكی وڵات كەوت و وتی: وڵاتانی ناوچەكە پێویستە بگەن بە چارەسەرێكی ئاشتییانە و دبلۆماسی بۆ چارەسەركردنی ناكۆكییەكانیان دەربارەی سەرچاوەكانی وزە.
وتیشی: پەرەسەندنە سەربازییەكان لە ئۆپەراسیۆنە بەردەوامەكانی توركیا جێگەی نیگەرانییە، قوبرس مافی خۆیەتی سود لە سەرچاوە سروشتییەكان وەربگرێت و سودیش وەربگرێت لە مادە هیدرۆكاربۆنییە دۆزراوەكان لە ناوچە ئابوورییەكەی خۆی.
پەرەسەندنەكان لە ناوچەی رۆژهەڵاتی دەریای ناوەڕاست بەهۆی ناكۆكییەكانی نێوان توركیا و یۆنان و قوبرسەوە لەسەر سەرچاوە سروشتییەكان و گەڕان بەدوای غازدا زیاتر بوون.