روسیا بەشێكی سوپاكەی لە سنووری ئۆكرانیا كشاندەوە

پۆڵەتیك پرێس:

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

وتەبێژی كۆشكی سەرۆكایەتی روسیا كشانەوەی بەشێكی سوپای وڵاتەكەی لە سنووری ئۆكرانیا راگەیاند و هۆكارەكەی رووننەكردەوە.

ئەمڕۆ سێشەممە، دیمیتری بیسكۆف، وتەبێژی كۆشكی كرملینی روسیا رایگەیاند: بەشێكی سوپاكەمان لە سنووری ئۆكرانیا كشاندووەتەوە هەمیشەش وتومانە هەركات راهێنان تەواو بوو سوپا دەگەڕێنەوە جێگەكانیان و ئەم كشانەوەیەش پرۆسەیەكی ئاساییە و بەردەوام دووبارە دەبێتەوە.

پەیوەست بەو پرسە، دیمیترو كولیبا، وەزیری دەرەوەی ئۆكرانیا باسی لەوەكردووە: روسیا بەردەوام لێدوانی جیاواز دەدات و ئێمە گوێ بۆ هیچی ناگرین تا بەچاوی خۆمان كشانەوەی سوپاكەی نەبینین.

ئەمەش لەدوای ئەوەدێت ماوەی چەند رۆژێكە روسیا سوپایەكی زەبەلاحی لە سنوورەكانی ئۆكرانیا جێگیركردووە و جیهانی خستووەتە دڵەڕاوكێی مەترسی روودانی جەنگی جیهانی سێیەمەوە.