پۆڵەتیك پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
ڕێبەری ڕەوتی سەدر جەخت لەسەرئەوە دەكاتەوە، حكومەتی زۆرینە پێكدەهێنن و دەرگایان بۆ هەندێك هێز و لایەن كراوەیە، ئەم شەویش چوارچێوەی هەماهەنگی شیعەكان جارێكی دیكە كۆدەبێتەوە.
موقتەدا سەدر، رێبەری رەوتی سەدر لە تویتێكدا ڕایگەیاند: حكومەتی زۆرینەی نیشتمانی پێكدەهێنین و دەرگامان بۆ هەندێك كرایەوەو كە گومانی باشمان بەرامبەریان هەیە.
موقتەدا سەدر وتیشی: ڕێگە بەهیچ كەسێك نادەین هەڕەشە لە هاوبەشەكانمان بكات یان هەڕەشە لە ئاشتی كۆمەڵایەتی بكات، حكومەتی داهاتوو حكومەتی یاسا دەبێت و ڕێگە بە پێشێلكاریی نادرێت هەر كەسێك بێت.
هاوكات ئەمشەو هێزەكانی چوارچێوەی هەماهەنگی لە ماڵی شێخ هومام حەمودی بۆ تاوتوێكردنی كۆبونەوەكەی 9 ی ئەم مانگەی پەرلەمان و گرتنە بەری ڕێكارەكان گفتوگۆ دەكات.
ڕۆژی 9_1_2022 پەرلەمانی عێراق یەكەم كۆبوونەوەی خولی پێنجەمی ئەنجامدا تیادا دەستەی سەرۆكایەتی پەرلەمان بە ڕێكەوتنی سەدریەكان و پارتی و تەقەدوم و عەزم هەڵبژێردران.