دۆزینەوەی گەورەترین گەنجینە لەجیهاندا

پۆڵەتیک پرێس

گروپێک لەو کەسانەی کاریان ئەوەیە بەدوای سامان و گەنجینە بەنرخەکاندا بگەڕێن لەئەنجامی گەڕانیاندا گەورەترین گەنجینەیان لەجیهاندا دۆزیوەتەوە کە نرخەکەی بەنزیکی 20 ملیۆن دۆلارە.

ئەو شوێنەی کە گەنجیەکەی لێ دۆزراوەتەوە پێی دەوترێت پەرستگای دوازدە و دەکەوێتە فینلاند، ئەو کەسانەی دۆزیویانەتەوە لەساڵی 1987 بەدوای ئەم گەنجینەیەدا دەگەڕێن، گەنجینەکە خشڵ و زێڕ و کاری دەستی گرانبەهای تێدایە.

ئەو گروپە لە تەواوی جیهاندا هەموو ساڵێک لە وەرزی هاویندا ڕۆژانە شەش کاتژمێر بەدوای گەنجینە بەنرخەکاندا دەگەڕێت، پێیان وایە گەنجینەکە نزیکەی 50000 بەردی بەنرخی تێدایە لەوانەش یاقوت و زمورود و ئەڵماس، سەدان پارچەی مێژووی و هەروەها زێڕی تێدایە.