بەڤیدیۆ..سەگێکی ڕۆبۆت بۆ چاودێریکردنی دزیکردن لە شوێنەوارەکان دادەنرێت

پۆڵەتیک پرێس

دەسەڵاتدارانی ئیتاڵیا سەگێکی ڕۆبۆت بەکاردەهێنن بۆئەوەی لەکاتی گەڕانیان لەشاری پۆمپی کە 2000 ساڵ پیش ئێستا بەهۆی تەقینەوەی گڕکانەوە وێرانبوو یارمەتییان بدات.

ڕۆبۆتی “سپۆت” لەلایەن کۆمپانیای “بۆستن داینامیک” ی ئەمریکی پەرەی پێدراوە، دەتوانێت لە بینا کۆنەکاندا بەدوای کێشە پێکهاتەییە مەترسیدارەکان بگەڕێت، هەروەها توانای دەستنیشانکردن و پشکنینی ئەو تونێلانەی هەیە، کە لەلایەن ئەو دزانەی دزی لە شوێنەوارەکان دەکەن دروستکراون.

گابریل زوچتریگێل، بەڕێوەبەری سایتە شوێنەوارییەکان لە ڕاگەیاندراوێکی ڕۆژنامەوانیدا بە هەواڵی ئاژانسی “یو پی ئای” ڕاگەیاند:”بارودۆخی سەلامەتی ناو تونێلەکان کە لەلایەن شوێنەوارناسانەوە هەڵکەندراون زۆرجار مەترسیدارن، بۆیە بەکارهێنانی ڕۆبۆتەکە دەتوانێت یارمەتیمان بدات بەخێرایی و سەلامەتی بگەڕێین و بەرەو پێشەوە بڕۆین”.

سەرەڕای بوونی چەندین تونێل لە ناوچەی دەوروبەری شوێنەوارەکان ڕاپۆرتەکان ئەوە دەردەخەن ڕێژەی دزیکردن لە شوێنەوارەکانی پۆمپی و فرۆشتنیان کەمیکردووە، چونکە دەسەڵاتدارانی ئیتاڵیا هەڵمەتێکیان بۆ بەرپەرچدانەوەی ئەو کارە بەرزکردۆتەوە.