پۆڵەتیك پرێس
رێكخراوی نێودەوڵەتیی كۆچبەران رایگەیاند، زیاتر لە 100 كۆچبەری نایاسایی لە دەریای ناوەڕاستدا خنكاون و گەڕان بەدوای تەرمەكانیاندا درێژەی هەیە.
رێكخراوی نێودەوڵەتیی كۆچبەران رایگەیاند: ئەو هەواڵانەی كە باس لە ژێر ئاوكەوتنی كەشتییەكی تایبەت بە كۆچبەران دەكەن لە دەریای ناوەڕاست راست بووە و بەلەمێك بە 130 كۆچبەرەوە لە رۆژی پێنجشەممە، ژێر ئاو كەوتووە و لە ئەنجامدا زیاتر لە 100 كۆچبەریان گیانیان لەدەستداوە.
لە دوای ڕووداوەكەوە تیمەكانی فریاكەوتن گەشتنە شوێنی ڕوداوەكە بەڵام نەیانتوانی هیچ سەرنشینێكی کەشتییە ژێرئاو کەوتووەکە ڕزگاربكەن.
بە پێی زانیارییەكانی رێكخراوی ئێس ئۆ ئێس-ی ناحكومیی فەرەنسی لە سەرەتای ئەمساڵەوە تا ئێستا زیاتر لە 350 كۆچبەر لە دەریای ناوەڕاستدا خنكاون.