پۆڵەتیک پرێس
وەزارەتی کشتوکاڵی عێراق رایگەیاند، بە گەیشتنی سەرۆک وەزیران بە دەروازە سنورییەکانی ناوەڕاست و خوارووی وڵاتەکە بەرێژەی ٪٥٠ قاچاخچێتی کەمیکردووە.
حەمید نایف وتەبێژی وەزارەتی کشتوکاڵ بە میدیاکانی عێراقی راگەیاند، وەزارەت لە پەیوەندی راستەوخۆدایە لەگەڵ دەروازە سنورییەکان بۆ پاراستنی بەرهەمی خۆماڵی و جەختی لەوەش کردەوە، گەیشتنی مستەفا کازمی بە دەروازە سنورییەکانی ناوەڕاست و خوارووی عێراق بەڕێژەی ٪٥٠ قاچاخچێتی کەمکردووەتەوە.
ئاماژەی بەوەشکرد، بەڵام هێشتا لە دەروازە سنورییەکانی کوردستان بەرهەمی قاچاخ دێتە ناوەوە.
ئاشکراشی کرد، ئەوە کێشەیەکی گەورەیە و وەزارەت هیواخوازە بەزوویی چارەسەر بکرێت لەپێناو پاراستنی بەرهەمی خۆماڵی و دابینکردنی هەلی کار بۆ هەزاران کەسی بێکار و زیادکردنی داهاتی ناوخۆیی.
لە ماوەی رابردوودا، مستەفا کازمی سەردانی دەروازە سنورییەکانی عێراقی کرد و رایگەیاند، هەموو هەوڵێک دەدەن بۆ پاراستنی بەرهەمی خۆماڵی و رێگریکردن لە قاچاخچێتی.