پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
ئەیاد عەلاوی، سەرۆکی هاوپەیمانی نیشتمانی گەشبینی خۆی بە حکومەتەکەی محەمەد شیاع سودانی دەربڕی و وتی، “زۆربەی کێشەکان لەسەر ڕێگای چارەسەرن”.
ئەمڕۆ چوارشەممە لە پەراوێزی دیداری سلێمانی ئەیاد عەلاوی لە لێدوانێکدا بۆ ڕۆژنامەنووسان باسی لەوەکرد، چارەسەری کێشەکان و سەرکەوتنی حکومەت پێویستی بە هەماهەنگی و کاری هاوبەشی هەموومانە لەپێناو هاتنەدی سەقامگیری لە عێراق.
وتیشی، “زۆرینەمان گەشبینین بە کارەکانی حکومەتەکەی سودانی و زۆربەی کێشەکان بەرەو چارەسەر هەنگاو دەنێن”.
ئەمڕۆ حەوتەمین دیداری سلێمانی بە بەشداری سەرۆک وەزیران و سەرۆکی هەرێم و بەشێکی زۆر لە سەرکردە و بەرپرسە باڵاکانی عێراق و هەرێم لە سلێمانی بەڕێوەچوو.