پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
لە 11یەمین رۆژی بوومەلەرزەكەی مەرەشی باكووری كوردستان، گیانلەدەستدان لە 10 پارێزگای باكووری كوردستان و توركیا گەیشتە زیاتر لە 36 هەزار و ژمارەی بریندارانیش 108 هەزار كەسی تێپەڕاندووە.
بەگوێرەی نوێترین ئامار كە ئەمڕۆ پێنجشەممە لەلایەن سەرۆكایەتیی كارەساتی لەناكاو و فریاگوزاریی توركیا ناسراو بە ئافاد بڵاوكراوەتەوە، بەهۆی بوومەلەرزەكەی مەرەش لە 10 پارێزگادا 36187 كەس گیانیان لەدەستداوە و 108068 كەسیش بریندارن.
ئافاد ئاماژەی بەوەش كردووە، تائێستا 216 هەزار و 347 زیانبەركەوتووی بوومەلەرزەكەی مەرەش گوێزراونەتەوە بۆ پارێزگاكانی دیكە، هەروەها لەدوای بوومەلەرزەكەی 6ی شووبات، كە پارێزگای مەرەش چەقەكەی بوو، تائێستا 4323 پاشلەرزە لە ناوچەكەدا تۆمار كراون.