پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
بەڕێوەبەری گشتی بازرگانی لە وەزارەتی بازرگانی و پیشەسازی حكومەتی هەرێم رایدەگەیەنێت، هاتنی پارەی گەنمی جووتیاران بۆ ساڵانی (2014 و 2015 و 2016) لەلایەن بەغداوە، بەهۆی رۆتینیاتەوە نەگەشتووە و ئومێددەكەین لە نزیكترین كاتدا بگات.
نەوزاد شێخ كامیل بەڕێوەبەری گشتی بازرگانی لە وەزارەتی بازرگانی و پیشەسازی حكومەتی هەرێم بە پۆڵەتیك پرێسی راگەیاند: بەردەوام لە كۆبوونەوەداین لەگەڵ وەزارەتی بازرگانی عێراق و بۆ ئەو مەبەستە لە نوێترین سەردانماندا ئەمڕۆ بەڕێوەبەری سایلۆكان لەبەغدایە و لەگەڵ لایەنە پەیوەندیدارەكان كۆبووەتەوە.
بەڕێوەبەری گشتی بازرگانی لە وەزارەتی بازرگانی و پیشەسازی حكومەتی هەرێم وتی: ئەوەندەی ئێمە بزانین هاتنی ئەو پارەیە هیچ كێشەیەكی نەماوە و تەنها بەهۆی رۆتینیاتەوە رەوانە ناكرێت، ئێمە سەرجەم زانیاری و داتاكانمان رادەستی حكومەتی عێراق كردووە.
دڵنیاییشیدا لەوەی حكومەتی عێراق پارەی گەنمی جووتیاران بۆ ئەو سێ ساڵە (2014 و 2015 و 2016) رەوانە دەكات، چونكە لە یاسای پاڵپشتی ئاسایشی خۆراكیشدا جەخت لەسەر ناردنی ئەو پارەیە كراوەتەوە.
رۆژی 4ی ئابی 2022 كەمال موسلیم وەزیری بازرگانی و پیشەسازی حكومەتی هەرێم رایگەیاند: هەفتەی داهاتو پارەی گەنمی ساڵانی 2014، 2015، 2016ی جوتیاران دابەش دەكرێت.