هۆکارەکانی دەست لەرزین

پۆڵەتیک پرێس

لەرزینی دەست لە هەندێک حاڵەتی وەک توڕەبوون یان هەبوون جۆش و خرۆش بۆ شتێک ئاساییە، بەڵام کاتێک لەرزینی دەستەکان بۆماوەیەکی زۆر بەبێ هۆکار بەردەوام بێت، ئەوا دەبێت سەردانی پزیشک بکرێت بۆ دیاریکردنی هۆکارەکەی و چارەسەرکردنی.

هۆکارەکانی دەست لەرزین:

-کەمخەوی یەکێکە لە هۆکارەکانی دەست لەرزین، چونکە نەخەوتن بەپێی پێویست وادەکات میشک نەتوانێت بەباشی کارەکانی ئەنجامبدات و جەستە ماندوو دەبێت لەوکاتەشدا دەبێتە هۆی لەرزین.

-دابەزینی ڕێژەی شەکری خوێن.

-کاریگەری لاوەکی هەندێک لە دەرمانی نەخۆشیە جیاوازەکان هۆکارێکی دیکەیە.

-زۆر خواردنەوەی کافایین کاریگەری لەسەر لەرزینی جەستە و دەستەکان هەیە.

-تێکچوونی باری دەروونی کەسەکان واتە توشبوون بە خەمۆکی، شۆکبوون، دوودڵی و دڵەڕاوکێی بەیەکێک لە سەرەکیترین هۆکارەکانی دەست لەرزین دادەنرێت.