سەدر داوای ئەنجامی لێکۆڵینەوە لە هەوڵی تیرۆرکردنی کازمی دەکات

پۆڵەتیک پرێس:

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

موقتەدا سەدر، سەرۆکی رەوتی سەدر داوای کرد ئەنجامەکانی لێکۆڵینەوەی تایبەت بە کردنەئامانجی ماڵی مستەفا کازمی، سەرۆک وەزیرانی عێراق ئاشکرابکرێت.

موقتەدا سەدر وتی: ئەوەی نابێت چاوپۆشی لێبکرێت بریتییە لە پایەی دەوڵەت، ئەو هێرشەی کرایەسەر ماڵەکەی سەرۆک وەزیران هێرشێکی ئاشکرا و زەق بوو دژی سەروەری و پایەی دەوڵەت.

ئەوەشی خستەڕوو، “بۆیە پێویستە ئەنجامی لێکۆڵینەوەکانی تایبەت بەم کەیسە ئاشکرابکرێن و ئەو کەسانە دەستگیربکرێن کە هەستان بە ئەنجامدانی هێرشەکە و سزای گونجاویان بەسەردا بسەپێنرێت”.

بەرەبەیانی رۆژی 7ی تشرینی دووەمی ئەمساڵ، لەڕێی فڕۆکەی بێفڕۆکەوانەوە ماڵی مستەفا کازمی کرایەئامانج، بەڵام خۆی هیچ زیانێکی گیانی بەرنەکەوت.