كۆمسیۆن ژماردن و جیاكردنەوەی دەنگەكان بەرەو كۆتایی دەچێت

پۆڵەتیك پرێس

كۆمیسیۆنی باڵای سەربەخۆی هەڵبژاردنەكانی عێراق رایگەیاند، سەدا 95ی ژماردن و جیاكردنەوەی دەنگەكان لە سێ هەزار و ٦٨١ وێستگە تەواوكراون.

عیماد جەمیل ئەندامی تیمی راگەیاندن لە كۆمیسیۆنی باڵای سەربەخۆی هەڵبژاردنەكان رایگەیاندووە، ئەنجامەكانی ژماردن و جیاكردنەوەی دەنگەكان بەدەست و ئەلیكترۆنی هاوچەشن بوون و تا ئێستاش ٩٥ لەسەدای ژماردن و جیاكردنەوەی دەنگەكان لە سێ هەزار و ٦٨١ وێستگە تەواوكراون.

باسی لەوەشكرد، تا ئێستا ٣٥٦ تانە لەسەر ئەنجامە بەراییەكانی هەڵبژاردنەكانی پێشوەختەی پەرلەمانی عێراق لە كۆمیسیۆن تۆماركراون و دواتر بڕیار لە بارەی سەرجەمیانەوە دەدرێت.

رۆژی 10ی ئەم مانگە هەڵبژاردنی پێشوەختەی پەرلەمانی عێراق بەڕێوەچوو، سەرەڕای راگەیاندنی ئەنجامە بەراییەكان، بەڵام هێشتا روون نییە كەی كۆمسیۆن ئەنجامە فەرمییەكانی ئەو هەڵبژاردنە رادەگەیەنێت.