ئەنجومەنی سوریای دیموكرات و پارتی ئیرادەی گەلی سوریا رێككەوتن

پۆڵتیك پرێس

ناوەڕۆكی لێكتێگەیشتنی نێوان ئەنجومەنی سوریای دیموكرات و پارتی گەلی سوریا ئاشكراكرا، بەپێی رێككەوتنەكە هەردولا لەسەر پێنج خاڵ رێككەوتوون.

رێككەوتنەكەلە مۆسكۆو لەلایەن ئیلهام ئەحمەد، هاوسەرۆكی ئەنجومەنی سوریای دیموكرات و قەدری جەمیل، ئەمینداری پارتی ئیرادەی گەلی سوریا، واژۆ كرا.

هەردولاش لەسەر پێنج خاڵ رێككەوتن ئەویش بەمشێوەیە:

یەكەم: سوریای نوێ، سوریایەكی یەكگرتو و دیموكراتە و سەرجەم پێكهاتەكانی بەبێ جیاوازی تیایدا بژین.

دووەم: چارەسەری سیاسی تاكە دەرچەیە بۆ دۆخی ئێستای سوریا.

سێیەم: لەدەستووری سوریادا مافی گەلی كورد زامن بكرێت، وەك پێكهاتەیەكی گرنگی سوریا.

چوارەم: ئیدارەی خۆسەر پێویستییەكی بابەتییە بۆ ئێستای سوریا.

پێنجەم: سوپای سوریا تاكە دامەزراوەی فەرمییە كە چەكی لەدەستدابێت و نابێت سوپا بە سیاسی بكرێت.

لەچەند رۆژی رابردودا لەسەر داوای وەزارەتی دەرەوەی رووسیا شاندێكی ئەنجومەنی سوریای دیموكرات سەردانی ئەو وڵاتەیان كردو لەگەڵ بەرپرسانی ئەو وڵاتە كۆبونەوە.