شاندێكی باڵای عێراق گەیشتە نەینەوا

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress 

بەمەبەستی دانانی پلانێكی سەربازی ئەمڕۆ سێشەممە شاندێكی باڵای عێراق گەیشتنە نەینەوا.

غەیاس سورچی، بەرپرسی مەڵبەندی نەینەوای یەكێتی بە پۆڵەتیك پرێس-ی راگەیاند “ئەمڕۆ سێشەممە 10ی ئابی 2021، شاندێكی سوپای عێراقی بە سەرپەرشتی عەبدولئەمیر رەشید یارەڵا، سەرۆکی ئەرکانی سوپای عێراق گەیشتونەتە نەینەوا، بەمەبەستی بەسەركردنەوەی یەكە سەربازیەكان و دانانی پلانێكی سەربازی تۆكمە دژی داعش”.

وتیشی “لەم چەند رۆژەدا پیلان و جموجوڵەكانی داعش زیادیكردووە،كارەبای چەند شوێنێك كراونەتە ئامانج و لە مەخموریش چەند حاڵەتێكی رفاندن و پەلاماردان هەبووە ئەو سەردانەش دوای ئەو رووداوانە دێت”.

بەوتەی بەرپرسەكەی یەكێتی لەو سەردانەدا سەرۆکی ئەرکانی سوپای عێراق، ھێزە ئەمنییەکانی لە پارێزگاکە بەسەر دەكاتەوە.