پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
دادگای عێراق لەچوارچێوەی لێکۆڵینەوە لە روداوی ئاگرکەوتنەوەکەی نەخۆشخانەی حسێن لە پارێزگای زیقار فەرمانی دەستگیرکردنی بۆ بەڕێوەبەری تەندروستی پارێزگاکە و 11 کەسی دیکە دەرکرد.
بەگوێرەی بڕیارێكی بەشی لێکۆڵینەوەی دەستەی دەستپاکی عێراق، بەهۆی روداوی ئاگرکەوتنەوە لەنەخۆشخانەی حسێن لە پارێزگای زیقار فەرمانی دەستگیرکردن بۆ سەدام تەویل بەڕێوەبەری تەندروستی پارێزگاکە و 11 کەسی دیکە دەرکراوە.
ئاماژە بەوەشدراوە، فەرمانی دەستگیرکردنەکە بەگوێرەی مادەی 340 لەیاسای سزادانی عێراقی دەرچووە بۆ ئەوانەی تۆمەتبارن بە کەمتەرخەمی کەبوەتەهۆی کەوتنەوەی روداوەکە و لەلایەن دادگاوە داواکراون.
پێشتریش مستەفا کازمی، سەرۆک وەزیرانی عێراق رایگەیاند، دوای روداوی ئاگرکەوتنەوەكەی پارێزگای زیقار کەبەهۆیەوە 64 کەس گیانیان لەدەستداوە و دەیان کەسی دیکەش برینداربون، حکومەت لیژنەیەکی باڵای پێکهێناوە و لەماوەی هەفتەیەکدا ئەنجامی لێکۆڵینەوە لەهۆکاری ئاگرکەوتنەوەکە رادەگەیەنن، ئەوانەی کەمتەخەمیش بون روبەڕوی رێکاری توند دەکرێنەوە.
بەپێی زانیاری هەواڵی میدیاكانی عێراق هۆکاری ئاگرکەوتنەوەكەی نەخۆشخانەی حسێن لەپارێزگای زیقار بەهۆی تەقینی بوتڵی ئۆکسجینەوە بووە.
قەیوان گروپ
مایۆرکا سیتی جوانییەک لە دڵی سروشتدا
