پۆڵەتیك پرێس
لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress
سەرۆک وەزیرانی عێراق و سەرۆک و ئەندامانی ئەنجومەنی کۆمسیۆنی باڵای سەربەخۆی هەڵبژاردنەکانی عێراق كۆبونەوەو كازمی بەڵێنیدا هەموو پێداویستییەک دابین بکات بۆ دەستەبەرکردن و بەڕێوەچوونی هەڵبژاردنێكی پاك و بێكەرد لەعێراق.
مستەفا كازمی سەرۆك وەزیرانی عێراق رایگەیاندووە، حکومەت سورە لەسەر ئەوەی کە سەرجەم پێداویستیەکانی کۆمیسیۆن جێبەجێ بکات بۆ دەستەبەرکردنی پاكێتی و شەفافیەتی پرۆسەی هەڵبژاردن و بەدەستهێنانی بەشداری فراوان لەو پرۆسەیەدا.
كازمی، ستایشی ئامادەکاری و هەوڵەکانی کۆمیسیۆنی بۆ ئەنجامدانی هەڵبژاردن كردووەو جەختی لەوە كردووەتەوە کە دەزگاکانی حکومەت ڕێنماییان وەرگرتووە بۆ ئەوەی هەموو جۆرە پشتیوانییەک بۆ کۆمیسیۆن دابین بکەن و ڕێکارە پێویستەکان ئاسان بکرێن بۆ ئەوەی هەڵبژاردنەکان لەکاتی خۆیدا ئەنجام بدرێت ئەویش بەبێ دروست بوونی هیچ بەربەست و کێشەیەکی تەکنیکی .
لەسەر دواخستنی هەڵبژاردنی پێشوەختەی عێراق، سەرۆك وەزیرانی عێراق رایگەیاندووە هیچ هەولێك بۆ دواخستی هەڵبژاردنی پێشوەختە لەئارادا نییە.
بڕیارە رۆژی 10 ی تشرینی یەکەمی ئەمساڵ هەڵبژاردنی پێشوەختە لە عێراق بەڕێوەبچێت.
قەیوان گروپ
مایۆرکا سیتی جوانییەک لە دڵی سروشتدا
