پۆڵەتیك پرێس:
چەند خولەكێك پاش ئەوەی كۆمپانیای مۆدێرنا ڕایگەیاند، پێشكەوتنی باشیان لەبەرهەمهێنانی ڤاكسینی كۆرۆنا بەدەستهێناوە، بازاڕی نەوتو زێر لەجیهاندا هەژا.
لەدوای بڵاوبوونەوەی هەواڵی بەرهەمهێنانی ڤاكسینی كۆرۆنا نرخی نەوت بەرێژەی لەسەدا 3 بەرزبوونەوەی تۆماركرد، هەروەها 20 دۆلار چووە سەر نرخی یەك ئۆنسە زێڕ لەبازاڕەكانی جیهان.
كۆمپانیای مۆدێرنا رۆژی دوو شەممە رایگەیاند، كە ڤاكسینەكەیان بەرێژەی 94.5% كاریگەری ئەرێنی تۆماركردووە، ئەوەش بەپێی ئەنجامی تاقیكردنەوەی سەرەتایی كلینیكی بۆ زیاتر لە 30 هەزار بەشداربوو .
ستیفان بانسەل، بەڕێوەبەری جێبەجێكاری كۆمپانیای مۆدێرنا رایگەیاندووە، ئەو شیكارییە كاتییە ئەرێنییە لەلێكۆڵینەوەكەی قۆناغی سێی ڤاكسینەكەو یەكەم بەڵگەی پزیشكیی پێداین، كە پێكوتەكە توانای ئەوەی هەیە ڕێگری لەڤایرۆسی كۆرۆنا بكات.