وەزیرە عێراقییەكەی بەلجیكا دەنگۆكان رەتدەكاتەوە

پۆڵەتیك پرێس:
سامی مەهدی وەزیری كۆچ‌و كۆچبەرانی بەلجیكا، ئەو دەنگۆیانەی رەتكردەوە، كە باس لەوە دەكەن، بەلجیكا پەنابەرە عێراقییەكان دەگەڕێنێتەوە.

سامی مەهدی، كە خۆی بەڕەچەڵەك عێراقییە لەمیانی لێدوانێكی وتی: خوێندنەوەی هەڵە بۆ قسەكانی كراوەو وڵاتەكەی هیچ نیازێكی نییە، پەنابەری عێراقی دیپۆرتبكاتەوە.

مەهدی وتیشی: زۆربەی ئەوەی لەمیدیاكاندا بڵاوبووەتەوە، وێنەیەكی ڕاست‌و دروست قسەكانی من نین، من لەقسەكانم مەبەستم لە نەتەوەیییەكی دیاریكراو نەبووەو قسەكەم پەیوەندی بەو كۆچبەرانەوە هەبوو، كە بە شێوەیەكی نایاسایی لە بەلجیكا دەژین .

چەند رۆژێكە قسەكانی وەزیرەكەی بەلجیكا كاردانەوەی لێكەوتووەتەوە، كە باس لەوە دەكرێت، كە خۆی بەڕەچەڵەك پەنابەرەو كار بۆ ناردنەوەی پەنابەران دەكات.

پێشتریش وەزیری كۆچ و كۆچبەرانی عێراق ئیڤان فایق جابر، لەكاردانەوەی قسەكانی وەزیرە بەلجیكییەكە رایگەیاندبوو، ئەوان رازی نابن بەناردنەوەی پەنابەرانی عێراقی بەزۆرە ملێی‌و داواشی لەحكومەتی بەلجیكا كرد، كاری لەو شێوەیە دەكات.