پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
بەپێی پێشبینییەكانی بەڕێوەبەرایەتی كەشناسی و بومەلەرزەزانی هەرێم، درەنگانی ئەمشەو بارستەیەكی هەوایەكی سارد ڕوو لە ناوچەكە دەكات.
كەشناسی ئەوەشیخستۆتەڕوو، ئێستا كاریگەری بارستە هەواكە لەسەر بەشێكی وڵاتی توركیا دەركەوتووە و پێشبینی دەكرێت ئەمشەو ئەو بارستە هەوا ساردە بگاتە سەر بەشێك لەناوچە شاخاوییەكانی سنووری پارێزگای دهۆك و پاشان لە رۆژی هەینی تەواوی ناوچە جیاجیاكانی هەرێم كاریگەر دەبن بەو بارستە هەوایە و پلەكانی گەرما بە چەند پلەیەك نزم دەبنەوە.
هەروەها بە پێی پێشبینییەكان سەرلەبەیانی رۆژی هەینی ئەگەری دابارین و بەفر بارین لە ناوچە شاخاوییەكان لە ئارادا دەبێت و پلەكانی گەرماش بەردەوام دەبن لە نزمبوونەوە.
بەشێوەیەك پلەی گەرمای ناوچە شاخاوییەكان دەگاتە سفر پلەی سیلیزی و لە سەنتەری شارەكانیش پلەی گەرما لە نێوان دوو بۆ چوار پلەدا دەبێت و چڕترین ماوەی بەفر بارین دەكەوێتە شەوی هەینی و بەرەبەیانی رۆژی شەممە بە جۆرێك ئاستی بەفربارینی پێشبینیكراو لە نێوان 5 بۆ 15 سانتیمەتردا دەبێت .