پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
لەچوارچێوەی هەڵمەتی نیشتمانی چاندنی یەك ملیۆن نەمام و سەوزكردنی كوردستان لەسەر راسپاردە و بڕیاری بافڵ جەلال تاڵەبانی سەرۆكی یەكێتیی نیشتمانیی كوردستان، ئەمڕۆ هەڵمەتەكە گەیشتە ناحیەی خدران-ی سەر بە قەزای دوكان.
حسێن حەمەكەریم نوێنەری نووسینگەی بافڵ جەلال تاڵەبانی رایگەیاند: دەستی سەوزكردن گەیشتووەتە ناحیەی خدران وەك ناوچەیەكی گرنگ لەڕوی سیاسی و ئابورییەوە، پڕۆژەی چاندنی یەك ملیۆن نەمام بەردەوامی هەیە.
وتیشی: سەوزكردنی ژینگە بەلای یەكێتییەوە گرنگی تایبەتی هەیە و سەرۆك مام جەلالیش بایەخی زۆری پێداوە، راگەیاندنی هەڵمەتی چاندنی یەك ملیۆن نەمام لەلایەن بافڵ جەلال تاڵەبانی-شەوە پلانێكی دیكەی یەكێتییە بۆ ژینگەیەكی تەندروست.
هاوكار جەلال بەڕێوەبەری دارستان و پاوانی سلێمانی رایگەیاند: لە چوارچێوەی پڕۆژەی ئاشتكردنەوەی سلێمانی و سەوزكردنی كوردستاندا، هەڵمەتی نیشتمانی چاندنی یەك ملیۆن نەمام لەسەر بڕیار و راسپاردەی بافڵ جەلال تاڵەبانی سەرۆكی یەكێتیی نیشتمانیی كوردستان بەردەوامە.
ئەوەشی راگەیاند: پڕۆژەكە گەیشتووەتە سنووری ناحیەی خدران و لەپڕۆژەی دارستانی خدران سەر بەبەڕێوەبەرایەتی دارستان و پاوانی سلێمانی، هەڵمەتی نەمام روواندن بەڕێوەدەچێت.
قەیوان گروپ
مایۆرکا سیتی جوانییەک لە دڵی سروشتدا
