پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
بەڕێوەبەری گشتی کارو دەستەبەری کۆمەڵایەتی لە وەزارەتی کارو کاروباری کۆمەڵایەتی ڕایگەیاند، نابێت مووچەی کرێکار لە 350 هەزار دینار کەمتر بێت.
ئەمڕۆ شەممە، د. عارف حیتۆ، بەڕێوبەری گشتیی کار و دەستەبەری کۆمەڵایەتی ئاشکرای کرد، ئەگەر پڕۆژەیاسای کار پەسندبکرێت، خاوەنکار ناتوانێت بە ویستی خۆی کۆتایی بە گریبەستی کرێکار بهێنێت.
ئەوەشی خستەڕوو، رۆژانە هەشت کاتژمێر کار بۆ کرێکار دیاری کراوە و نابێت مووچەکەیان لە 350 هەزار دینار کەمتر بێت.
باسی لەوەشکرد، ئەو پڕۆژەیاسایە لە 18 بەش و 159 ماددە پێکهاتووە و لە بەشی گرێبەستەکاندا ”زۆر بە ئاشکرا” دیاری کراوە کە خاوەنکار کەی دەتوانێت کۆتایی بە گرێبەستەکە بهێنێت و ئەرک و مافی خاوەنکار و چینی کرێکاری تێدایە.