بافڵ جەلال تاڵەبانی سەرەخۆشی خۆی ئاراستەی د. عەلی قەرەداغی دەکات

پۆڵەتیک پرێس:

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

بافڵ جەلال تاڵەبانی، سەرۆکی یەکێتی نیشتمانی کوردستان پەیامێکی سەرەخۆشی ئاراستەی د. عەلی قەرەداغی ئەمینداری گشتی یەکێتی جیهانیی زانایانی موسڵمانان دەکات.

لە پەیامێکدا بافڵ جەلال تاڵەبانی ڕایگەیاند، بۆ کۆچی دوایی خاتوو (عەتیە شێخ محێدین)ی خوشکی بەڕێزتان، پرسە و ھاوخەمی قووڵی خۆم ئاڕاستەی ئێوە و بنەماڵەکەتان دەکەم و هاوبەشی خەمتانم.

وتیشی، لەخوای گەورە داواکارم کۆچکردوو بە بەهەشتی بەرین شاد بکات و سەبووری و ئارامی بەهەموولایەک ببەخشێت.

ئێوارەی ئەمڕۆ هەینی حاجی عەتیە حاجی شێخ محێدین نەوتی قەرەداغ خوشكی دكتۆر عەلی قەرەداغی، ئەمینداری گشتیی یەكێتیی جیهانی زانایانی مسوڵمانان كۆچی دواییكرد.