پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
بەڕێوەبەرایەتی كواڵیتی كۆنترۆڵی دەرمان لە هەرێم رایگەیاند، سێ كۆمپانیای هاوردەكردنی دەرمانیان لەشاری هەولێر داخستوە.
لە راگەیەنراوێكدا بەڕێوەبەرایەتی كواڵیتی كۆنترۆڵی دەرمان لە هەرێم رایگەیاند، لە زنجیرەی گەڕان و بەدواداچونەكانی تیمی چاودێری بازاڕی بەڕێوەبەرایەتی كۆنترۆڵی جۆری دەرمان بە مەبەستی ئاگاداربون و چاودێریكردنی كۆمپانیاكانی هاوردەكردنی دەرمان و پابەندبونیان بە مەرج و رێنماییەكان، سەردانی چەند كۆمپانیایەكی دەرمان كرا.
ئەوەشخراوەتەڕوو، لەو بەسەركردنەوەیە وێڕای لە نزیكەوە ئاگاداربون لە شێوازی كاركردنیان، دەستخۆشی لە چەند كۆمپانیایەك كرا بە جێبەجێكردنی رێنماییەكان و پابەندبونیان بە گشت مەرج و رێكارە یاساییەكانی وەزارەتی تەندروستی و بەجێهێنانی ئەرك و كارەكانیان بەشێوەیەكی رێك و زانستیانە.
بەڕێوەبەرایەتی كواڵیتی كۆنترۆڵی دەرمان ئاماژەشیكردوە، هەر لەمیانەی ئەو بەسەركردنەوەیەدا سێ كۆمپانیای دەرمان بەهۆی سەرپێچیكردن لەڕێنماییەكان داخران.