دادگای فیدڕاڵی لەبارەی سکاڵایەک دژی مەسرور بارزانی و ئاوات شێخ جەناب کۆدەبێتەوە

پۆڵەتیک پرێس:

لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress

ئەمڕۆ چوارشەممە دادگای باڵای فیدڕاڵی لەبارەی داوایەکەوە کۆدەبێتەوە کە دژی سەرۆکی ئەنجومەنی وەزیرانی هەرێم و وەزیری دارایی هەرێم بەرزکراوەتەوە.

لە کارنامەی دانیشتنی ئەمڕۆی دادگای باڵای فیدڕاڵیدا هاتووە، “لەلایەن ئەحمەد عەلی سادق و کۆمەڵەکەیەوە داوایەک دژی مەسرور بارزانی سەرۆکی ئەنجومەنی وەزیران و ئاوات شێخ جەناب وەزیری دارایی بەرزکراوەتەوە”.

ئەوەشی خستەڕوو، “داواکە تانەدانە لە یاسای خانەنشینی یەکگرتووی ژمارە 27ی ساڵی 2006ی ڕەتکراوە و پابەندکردنیانە بە کارکردن بە یاسای ژمارە 9ی ساڵی 2014 لە سەرجەم شوێنەکانی هەرێمی کوردستان”.