بۆ یەکەمجار چوارچێوەی هەماهەنگی بە ئامادەیی کازمی کۆدەبێتەوە

پۆڵەتیک پرێس:

بۆ یەکەمین جار چوارچێوەی هەماهەنگی هێزە شیعەکان بە ئامادەیی مستەفا کازمی سەرۆک وەزیرانی عێراق کۆدەبێتەوە.

لەوبارەیەوە سەرچاوەیەکی ئاگادار ئاماژەی بەوەکرد، “لە ئێستادا چوارچێوەی هەماهەنگی هێزە شیعەکان بەبێ ڕەوتی سەدر، لە ماڵی فالح فەیاز، سەرۆکی دەستەی حەشدی شەعبی و بەئامادەیی سەرجەم سەرکردایەتیەکانی کۆبووەتەوە”.

ئەو سەرچاوەیە ئاشکراشی کرد، بڕیارە مستەفا کازمی سەرۆک وەزیرانی عێراقیش بەشداری کۆبوونەوەکە بکات، وتیشی، “ئەمە یەکەمین جارە چوارچێوەی هەماهەنگی میوانداری کازمی دەکات”.