پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
فەرمانگەی میدیا و زانیاری حکومەتی هەرێمی کوردستان ئاشکرایکرد، لە ساڵی 2021دا داهاتی گشتی باج 796 ملیار دینار بووە و گەورە باجدەران 23٪ی کۆی گشتی داهاتی باج پێکدێنن.
ئەمڕۆ هەینی فەرمانگەی میدیا و زانیاری ڕایگەیاند، “داهاتی باج جگە لە دابینکردنی مووچە بۆ مووچەخۆران لە گەیاندنی خزمەتگوزارییەکان و جێبەجێکردنی پڕۆژەکان خەرجدەکرێتەوە”.
وتیشی، “لە ئێستادا لە هەرێمی کوردستان 694 گەورە باجدەر هەن کە %23ی داهاتی گشتی باج ئەوان دەیدەن”.
بەگوێرەی بڵاوکراوەی فەرمانگەی میدیا و زانیاری، “کۆی داهاتی باجی گشتی لە ساڵی ڕابردوودا 796 ملیار دینار بووە و زیاتر لە 182 ملیار دینار لەو داهاتە گەورە باجدەران داویانە”.