پۆڵەتیك پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
دوای ئەوەی رۆژی چوارشەممە 26_1_2022، نرخی نەوتی برێنت بۆ سەرووی 90 دۆلار بەرزبووەوە، بەڵام بەیانی ئەمڕۆ پێنجشەممە 27_1_2022، لەگەڵ كردنەوەی بازاڕەكانی جیهان نرخی نەوت دابەزی بۆ 88 دۆلار.
رۆژی چوارشەممە 26_1_2022، نرخی بەرمیلێك نەوتی برێنت گەیشتە 90.10 دۆلار و نەوتی تەكساسیش گەیشتە 87.49 دۆلار، بەڵام بەرزبوونەوەی نرخی نەوت بۆ ئەو ئاستە بەرەبەیانی رۆژی پێنجشەممە27_1_2022، لەگەڵ كردنەوەی بازاڕەكانی جیهان دابەزی بۆ 88 دۆلار و دوو سەنت، هەروەها یەك بەرمیل نەوتی تێكساسیش بۆ 86 دۆلار و 62 سەنت دابەزی.
لە ماوەی هەشت ساڵی رابردوودا نرخی نەوت بەو ئاستەی رۆژی چوارشەممە بەرزنەبووەتەوە.
نرخەكانی نەوت لە سەرەتای ئەم هەفتەیە بەزۆری لەبەر تووندبوونەوەی كێشەی نێوان رووسیا و وڵاتانی رۆژئاوا بەرزبووەتەوە كە نیگەرانیی دروستكردووە لەسەر پچڕانی هەناردەكاریی نەوت و گازی رووسیا.
ویلایەتە یەكگرتووەكانی ئەمریكا هەڕەشەی سەپاندنی سزای تووندی ئابووری كردووە لەسەر رووسیا ئەگەر ئەو وڵاتە هێرشبكاتە سەر ئۆكراینا، ئەمەش نیگەرانی دروستكردووە لە پچڕانی هەناردەی نەوت و گازی رووسیا بۆ بازاڕەكانی جیهان.