تایبەتمەندیەکانی مۆبایلێکی نوێی ڤیڤۆ

پۆڵەتیک پرێس

کۆمپانیای ڤیڤۆ لە سەرەتای مانگی کانوونی دووەمدا بەشێوەیەکی فەرمی مۆبایلە نوێیەکەی ڕادەگەیەنێت، بەهۆی تایبەتمەندیە پێشکەوتوەکەیەوە ڕکابەری مۆبایلە بەهێزەکانی سامسۆنگ دەکات.

مۆبایلی ڤیڤۆ وای21 تی بەشێوەیەک دروستکراوە بەرگەی ئاو و پسی دەگرێت، دووریەکەی(164.3/76/8) ملیمە، شاشەکەی لەجۆری ئای پی ئێس ئێڵ سی دیە بەقەبارەی 6.51 ئینج و دیقەی پیشاندانی1600/720 پێکسڵ، تێکڕای ڕووناکیەکەی 270 مۆمە.

چارەسەرکەری کوالکۆم سناپ دراگۆن680 فۆڕ جی و چارەسەرکەری وێنەی ئەدرینۆ610ی تێدابەکارهاتووە، مۆبایلەکە سێ کامێرای بنەڕەتی بەدیقەی(2+2+50) مێگاپێکسڵ هەیە، دیقەی کامێرا سێڵفیەکەی هەشت مێگاپێکسڵە، ڕامەکەی چوار گێگابایتە، میمۆریەکەی 128 گێگابایتە.

بەسیستمی ئەندرۆید11 کاردەکات، لەمسە و شوێنی دوو سیمی هەیە، دەرچەی بیستۆکەکەی 3.5 ملیمە، خێرای پاتریەکەی 5000 میلی ئەمپێرە.