ڕاگەیەندراوێکی بەپەلە لە حکومەتی هەرێمی کوردستانەوە دەربارەی کۆچبەران

پۆڵەتیک پرێس:
حکومەتی هەرێمی کوردستان ڕایدەگەیەنێت، له‌ چه‌ند هەفتەی ڕابردوودا، ژمارەیەک لە هاووڵاتییانی هه‌رێمی كوردستان بوونه‌ قوربانی ده‌ستی قاچاخچێتی بۆ بەرژەوەندی وسوودی ماددی، و هه‌ندێك لایه‌ن ‌ئه‌م دۆخه‌یان قۆستو‌وه‌تەوە ‌بۆ له‌كه‌داركردنی ناوبانگی حكومه‌تی هه‌رێمی كوردستان بۆ ئامانجێکی كورتخایه‌ن، سەرەنجام هەموو ڕاستییه‌كان ده‌ركه‌وتن كه‌ ئەو پڕوپاگه‌ندانه‌ دوورن لە ڕاستییەوە.

لە ڕاگەیەندراوەکەی حکومەتی هەرێمدا هاتووە “حكومه‌تی ھەرێمی کوردستان هه‌موو هه‌وڵێكی داوه‌ و درێغی ناكات له‌ گه‌ڕا‌ندنه‌وه‌ی ئاره‌زوومه‌ندانه‌ی ئه‌و ھاووڵاتییانەی كه‌ له‌ سنووری بیلاڕووسیا گیریان خواردووه،‌ و بە ئەرکی خۆی دەزانێت هه‌موو ئاسانكارییه‌ك بکات و بە گەرمی پێشوازی لە گەڕانەوەیان بکات”.

ئاماژە بەوەشدراوە “حکومەتی هەرێم سوپاس و پێزانینیش ئاراسته‌ی هه‌موو ئەو لایەنانە دەکات کە‌ هاوكار بوون و ھاوکار دەبن لە گەڕاندنەوەی ئەو كۆچبه‌رانەی کە بەشێوەیەکی ئارەزوومەندانە دەیانەوێت بگەڕێنەوە بۆ نیشتمان”.

پەخشی راستەوخۆی رادیۆ پۆلەتیک