پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
هەپەگە ڕایگەیاند: لە ئەنجامی چالاكیی گەریلا دژی سوپای توركیا لە گردی كۆردینەی مەتینا، حەوت داگیركەر سزادران.
ئەمڕۆ دووشەممە، 16ی ئاب، ناوەندی ڕاگەیاندنی هێزەكانی پاراستنی گەل ( هەپەگە ) ڕاگەیەندراوێكی بڵاو كردەوە و رایگەیاند:
ڕۆژی15 ی ئەم مانگە، گروپێك لە داگیركەران كە خرابوونە ژێر كۆنترۆڵەوە، كاتژمێر 6:30 خولەكی ئێوارە، لەلایەن هێزەكانمانەوە، كرانە ئامانج، لەم چالاكییەدا بەلانیكەمەوە حەوت داگیركەر سزادران و چوار داگیركەریش برینداربوون، دوای ئەوە داگیركەران بە هێلیكۆپتەر كوژراو و بریندارەكانیان گواستەوە.
لە بەشێكی دیكەی راگەیەندراوەكەدا هاتووە، ڕۆژی 15 ی ئەم مانگە، لە گردی سۆر بە چەكی قورس هێرش كرایە سەر مۆڵگەی داگیركەران.
ئەوەشخراوەتە ڕوو، ڕۆژی15 ی ئەم مانگە، سوپای داگیركەری تورك چوارجار بە گازی كیمیاوی هێرشی كردە سەر تونێلەكانی شەڕ لە مەیدانی وەرخەلێ، ڕۆژی 15 ی ئەم مانگە، كاتژمێر9:30 خولەكی شەو، لە مەیدانی وەرخەلێ، تونێلەكانی شەڕ لەلایەن فڕۆكە جەنگییەكانی دەوڵەتی داگیركەری توركەوە كرانە ئامانج و لە بەرەبەیانیی ڕۆژی 16 ی ئەم مانگە دژی تۆنێلەكانی شەڕ، گازی كیمیاوی بەكارهێنرا و جموجوڵی فڕۆكە سیخوڕییەكان بەسەر ئاسمانی ناوچەكەدا بینرا.
باسلەوەشكراوە، ڕۆژی 15 ی ئاب، هێلیكۆپتەرەكان لەسەر ناوچەی قاشورای چیای مەتینا سووڕانەوە، هەمان ڕۆژ، لە ناحیەی كانی ماسیی سەربە شارۆچكەی ئامێدی بە هاوەن هێرش كرایە سەر گوندی هرور، بەهۆی ئەو بۆردوومانەوە ئاگر لە ناوچەكە كەوتەوە.