نرخی خشڵەکانی شاژن ئیلیزابێس ئاشکرا کرا

پۆڵەتیک پرێس

ڕۆژنامەیەکی بەڕیتانی نرخی زێڕ و خشڵەکانی شاژنی بەڕیتانیا ئیلیزابێسی دووەمی ئاشکرا کرد.

ڕۆژنامەکە ئاماژەی بەوەکرد شاژنی بەڕیتانیان یەکێکە لەوکەسانەی لەجیهاندا زۆرترین زێڕ و خشڵی گرانبەهای هەیە، نرخی زێڕ و خشڵەکانی 2.9 ملیار جونیەی ئستەرلینیە کە دەکاتە چوار ملیار دۆلاری ئەمریکی، ئیلیزابێسی دووەم بەشێکی زۆری زێڕ و خشڵکانی وەک دیاری لەلایەن کەسایەتیە گەورە و شاهانەیەکانی جیهانەوە بۆ هاتووە.

یەکەم بەنرخترین پارچە لە خشڵەکانی شاژن تاجی ئۆرینتاڵ سیرکلتە نرخەکەی نزیکەی شەش ملیۆن جونیەی ئستەرلینە کە دەکاتە 8.3 ملیۆن دۆلاری ئەمریکی، لە بنەڕەتدا تاجی شاژن ڤیکتۆریا بووە کە لەساڵی 1901دا مردووە، دووەم بەنرخترین پارچەش تاجی شاژن ماریە نرخەکەی پێنچ ملیۆن جونیەیە کە دەکاتە حەوت ملیۆن دۆلار.