حەلبوسی داوای کۆبوونەوەی بەپەلەی سێ سەرۆکایەتییەکەو لایەنە سیاسیەکان دەکات

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

سەرۆکی پەرلەمانی عێراق داوا دەکات سێ سەرۆکایەتیەکە و لایەنە سیاسییەکانی عێراق کۆبوونەوەی بەپەلە لەبارەی ڕووداوی ئاگرکەوتنەوەکەی زیقار ئەنجام بدەن.

نووسینگەی محەمەد حەلبوسی، سەرۆکی پەرلەمانی عێراق ئەمڕۆ چوارشەممە 14 ی تەموزی بڵاویکردەوە، “محەمەد حەلبوسی داوا دەکات هەرسێ سەرۆکایەتی پەرلەمان و سەرۆکایەتی کۆمار و سەرۆکایەتی حکومەت و سەرۆکی لایەنە سیاسییەکان لەبارەی ڕووداوی ئاگرکەوتنەوە لە نەخۆشخانەی ئیمام حوسێنی پارێزگای زیقار کۆببنەوە و هەڵوێست وەربگرن”.

لە ڕاگەیەندراوی نووسینگەی حەلبوسیدا هاتووە، “پێویستە کۆبوونەوەکە بۆ چارەسەری دۆخی پارێزگای زیقارو خەڵکەکەی و سەپاندنی یاسا بێت”.

شەوی 12 ی تەموزی 2021 لە نەخۆشخانەی ئیمام حوسێن-ی تایبەت بە کۆرۆنا لە پارێزگای زیقار ئاگرێکی گەورە کەوتەوەو بەگوێرەی دوایین ئامار زیاتر لە 100 کەس گیانیان لەدەستداوەو دەیان کەسی دیکەش بێسەروشوێنن و بەشێکیان لاشەکانیان ناناسرێتەوە.