وادەی پێشکەشکردنی کشانەوەی کاندیدانی هەڵبژاردنەکەی عێراق دیاریدەکرێت

پۆڵەتیک پرێس

لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress

کۆمیسیۆنی باڵای سەربەخۆی هەڵبژاردنەکانی عێراق ڕایگەیاند، داوای ئەو کاندیدانە قبووڵ دەکات کە لەبارەی کشانەوە لە هەڵبژاردنەکان پێشکەشی کۆمیسیۆنی دەکەن.

کۆمیسیۆنی عێراق ئەمڕۆ شەممە ١٢ ی حوزەیرانی ٢٠٢١ ڕاگەیەندراوێکی بڵاوکردەوەو تێیدا هاتووە، ” بڕیاری کشانەوە قبوڵ دەکرێت ئەگەر کاندیدەکە خۆی تەنها بێت یاخود لەچوارچێوەی هاوپەیمانێتیەکیشدا بێت ئەوەش بەپێی ڕێنمایی و مەرجەکانی کۆمیسیۆن دەبێت”.

ئاماژەی بەوەش کردووە، ” ماوەی پێشکەشکردنی داوای کشانەوە لە هەڵبژاردنەکان لە ڕۆژی ١٣ ی مانگەوە دەستپێدەکات و لە ڕۆژی ٢٠ ی ئەم مانگە کۆتایی پێدێت”.

کۆمیسیۆنی هەڵبژاردنەکان ڕوونیشیکردووەتەوە، ” هیچ پارت و لایەنێکی سیاسی ناتوانێت دوای کشانەوەی کاندیدەکەی، کەسێکی نوێ لە شوێنەکەی کاندید بکات تەنها مەگەر ئەو کاندیدە نوێیە پێشتر و لەماوەی خۆ پاڵاوتندا ناوی لای کۆمیسیۆن تۆمارکرابێت”.

ئەم لێدوانەی کۆمیسیۆنی باڵای سەربەخۆی هەڵبژرادنەکان لەکاتێکدایە بڕیارە ڕۆژی ١٠ ی تشرینی یەکەمی ئەمساڵ هەڵبژاردنی پێشوەختە لە عێراق بەڕێوەبچێت.