پۆڵەتیك پرێس
وەزارەتی بەرگری توركیا ئاشكرایكرد لە ماوەی 24 كاتژمێری رابردودا بەهۆی پێكدادانەكانیان لەگەڵ چەكدارانی پەكەكە ئەفسەرێك و سێ سەربازی وڵاتەكەیان گیانیان لەدەستداوە.
وەزارەتی بەرگری توركیا رایگەیاند، ئەو ئەفسەرو سەربازانەیان لە كاتی شەڕو رووبەڕووبونەوەیان لەگەڵ چەكدارانی پەكەكە لە سنوری هەرێمی كوردستان كوژراون.
رۆژی سێی ئەم مانگەش ناوەندی ڕاگەیاندن و چاپەمەنیی هێزەكانی پاراستنی گەل هەپەگە ئاشكرایكرد، توانیویانە لە چەند ناوچەیەكی سنوری كوردستان سوپای توركیا ناچار بەكشانەوە بكەن،
ماوەی چەندین ساڵە سوپای توركیا و چەكدارانی پەكەكە لەسەر سنورەكانی هەرێمی كوردستان رووبەڕووی یەكتری دەبنەوە سەرەڕای كوژرانی بەردەوام چەكدارانی هەردولا، هاوكات بەردەوام هاوڵاتیانی مەدەنی هەرێمی كوردستانیش دەبنە قوربانی ئەو ململانێیانە.