پۆڵەتیک پرێس
کۆمسیۆنی باڵای هەڵبژاردنەکانی عێراق پێکهێنانی لیژنەیەک لەچاودێرانی نێودەوڵەتی ڕاگەیاند و 75 باڵیۆزخانە و ڕێکخراوی نێودەوڵەتی بانگهێشتکرد.
لەوبارەیەوە جومانە غەلای، وتەبێژی کۆمسیۆن ڕایگەیاند، کۆمسیۆنی هەڵبژاردنەکان لیژنەیەکی لەچاودێرانی نێودەوڵەتی بەسەرۆکایەتی عەباس فەرحان، سەرۆکی ئیدارەی هەڵبژاردنەکان پێکهێناوە.
وتیشی: لەڕێی وەزارەتی دەرەوەی عێراق بانگهێشتنامە بۆ 75 باڵیۆزخانەی بیانی و ڕێکخراوی نێودەوڵەتی نێردراوە بەمەبەستی سەرپەرشتیکردنی هەڵبژاردنەکان.
لەبارەی ئەرکی سەرپەرشتیکردنی هەڵبژاردنەکان جومانە ئاماژەی بەوەکرد، تەنیا لەچاودێریکردنی نێودەوڵەتیدا کورتنابێتەوە، بەڵکو چاودێریکردنی ڕێکخراوەکانی کۆمەڵگای مەدەنی و بریکاری حزبە سیاسییەکانیش دەگرێتەوە.
ئەوەشی خستەڕوو، پڕۆسەی تۆمارکردنی ناوی دەنگدەران کە لەمانگی کانوونی دووەمەوە دەستیپێکرد و لە 15ی مانگی نیسان کۆتاییپێهات، تیایدا زیاتر لە پێنج هەزار چاودێر لەڕێکخراوەکانی کۆمەڵگای مەدەنی و زیاتر لەحەوت هەزار چاودێر لەبریکارانی حزبە سیاسییەکان بەشدار بوون.
بڕیارە 10ی تشرینی یەکەمی ئەمساڵ هەڵبژاردنی پێشوەخەتەی پەرلەمانی عێراق بەڕێوەبچێت.
قەیوان گروپ
مایۆرکا سیتی جوانییەک لە دڵی سروشتدا
