پۆڵەتیک پرێس
کۆمسیۆنی باڵای هەڵبژاردنەکانی عێراق ڕایگەیاند، دەستپێکردنی بانگەشەی هەڵبژاردنەکان لەدوای پەسەندکردنی کاندیدەکان بەپێی یاسای هەڵبژاردنەکان دەبێت.
لەوبارەیەوە جومانە غەلای، وتەبێژی کۆمسیۆن ڕایگەیاند، ئەنجومەنی کۆمسیاران سیستمێکی بۆ بانگەشەی هەڵبژاردنەکان داناوە و چاوەڕێیە میکانیزمێک بۆ ڕێکخستنی دابنێت.
وتیشی: هەماهەنگییەکی باڵا لەگەڵ دامودەزگا حکومییەکان و شارەوانییەکان هەیە تا لەکاتی بانگەشەی هەڵبژاردنەکان زیان بە هیچ سوێنێکی حکومی نەگات.
ئەوەش لەکاتێکدایە لەهەڵبژاردنەکانی پێشوودا بانگەشەی هەڵبژاردن مانگێک بەر لەوادەی بەڕێوەچوونی هەڵبژاردنەکان دەستیپێکرد.