پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
لێپرسراوی دەزگای هەڵبژاردنی یەكێتی نیشتیمانی كوردستان ڕەتیدەكاتەوە بۆ دیاریكردنی وادەی هەڵبژاردن راوێژیان لەگەڵ كرابێت و دەڵێت، هێشتا یاسای هەڵبژاردن هەموارنەكراوەتەوە و كۆمیسیۆنی هەڵبژاردنیش وادەی بەسەرچووە، ئیتر چۆن هەڵبژاردن ئەنجام دەدرێت.
رزگار حاجی حەمە، لێپرسراوی دەزگای هەڵبژاردنی یەكێتی، بە دەنگی ئەمەریكای راگەیاند: بۆ دیاریكردنی وادەی هەڵبژاردن پرس بە هیچ لایەنێكی سیاسی نەكراوە، پاشان گەر كۆمیسیۆنی هەڵبژاردن وادەی بەسەرچووبێت و یاسای هەڵبژاردن هەموار نەكرابێتەوە، هەڵبژاردن چۆن ئەنجام دەدرێت.
رزگار حاجی حەمە لێپرسراوی دەزگای هەڵبژاردنی یەكێتی ئاماژە بەوە دەكات، لەكاتێكدا وادەی هەڵبژاردن دیاریكراوە، لایەنەكان سەرقاڵی گفتوگۆ و دانوستان بوون لەسەر هەمواركردنەوەی یاسای هەڵبژاردن، دەڵێت: ئێمە نازانین لەسەر چی بنەمایەك وادەی هەڵبژاردن دیاریكراوە.
رۆژی یەك شەممە 26_3_2023 سەرۆكی هەرێمی كوردستان، ڕۆژی 18ی مانگی یازدەی 2023ی بۆ ئەنجامدانی هەڵبژاردنی پەرلەمانی كوردستان دیاریكرد، هەموو لایەنە پەیوەندیدارەكانیشی راسپارد بۆ ئەنجامدانی كاری پێویست بۆ ئامادەكارییەكانی ئەنجامدانی هەڵبژاردن.