لەبارەی دابەشكردنی سەموون لەبری ئارد حكومەتی عێراق روونكردنەوە دەدات

پۆڵەتیك پرێس

بەڕێوەبەری كۆمپانیای گشتی بازرگانی ماددە خۆراكییەكان لە وەزارەتی بازرگانی عێراق دەڵێت، كۆبونی خۆراك لە ڕابردوودا تەنیا سێ ماددەی تێدا بوە كە ئەوانیش زەیت و شەكر و ئاردبوە و حكومەت پاڵپشتی بابەتی بەشەخۆراكی مانگانە دەكات بەشێوەیەكی گشتی.

لما هاشم موسەوی، بەڕێوەبەری كۆمپانیای گشتی بازرگانی ماددە خۆراكییەكان لە وەزارەتی بازرگانی عێراق رایگەیاند: بەرنامەی حكومەت ئەوەیە كە 10 پشكی دیكە بەشە خۆراكی مانگانە بەسەر هاوڵاتییاندا دابەشبكرێت لەمساڵدا و ئەوانەشی چاودێری كۆمەڵایەتی دەیانگرێتەوە 12 پشك وەربگرن.

وتیشی، هاوڵاتییان پێنج ماددەی سەرەكی وەردەگرن كە ئەویش سێ كیلۆ برنج و یەك كیلۆ شەكر و یەك لیر زەیت و یەك كیلۆ پاقلەمەنی و 400 گرام دۆشاوی تەماتە و پێنج كیلۆ ئاردە بۆ هەر كەسێك.

لەبارەی دابەشكردنی سەمون بەسەر هاوڵاتییاندا، موسەوی ڕایگەیاند: پڕۆژەیەك هەیە بۆ گۆڕینەوەی ئارد بە سەمون و دابەشكردنی بەسەر هاوڵاتییاندا و بۆ یەك فەردە ئارد حكومەت 64 هەزار دینار خەرجدەكات و بەپێی ئەو بەدواداچونانەی كراوە ئەوەیە كە بۆ یەك فەردە ئارد مانگانە 120 سەمون دابەشبكرێت.

باسی لەوەشكردوە، فڕنەكانی سەمون لەژێر چاودێریدان و لێپێچینەوە لەگەڵ ئەو كەسانەدادەكرێت كە سەرپێچی دەكەن و وەزارەتی بازرگانی ڕۆژانە بەدواداچون بۆ نرخی پێداویستییە خۆراكییەكان دەكات.