سەرۆكی هەرێمی كوردستان گەیشتە ئەڵمانیا

پۆڵەتیک پرێس:

سەرۆكایەتی هەرێمی كوردستان بڵاویكردەوە، ئەمڕۆ سەرۆكی هەرێمی كوردستان بۆ بەشداریكردن لە ٥٩مین كۆنفرانسی ساڵانەی ئاسایشی میونشن گەیشتە ئەڵمانیا، هەروەها بڕیارە كۆنفراسەكە سێ ڕۆژ بەردەوام بێت.

سەرۆكایەتی هەرێمی كوردستان بڵاویكردەوە،ئەمڕۆ نێچیرڤان بارزانی، سەرۆكی هەرێمی كوردستان بۆ بەشداریكردن لە ٥٩مین كۆنفرانسی ساڵانەی ئاسایشی میونشن گەیشتە ئەڵمانیا، هەروەها ژمارەیەكی زۆر لە سەركردە و سەرۆكی دەوڵەتانی جیهان ئامادەی ئەو كۆنفراسە دەبن.

ئاماژە بەوەشكراوە، كۆنفرانسەكە سێ ڕۆژ دەخایەنێت، دواتر نێچیرڤان بارزانی چەند كۆبوونەوەیەك لەگەڵ ژمارەیەك سەركردە و بەرپرس وڵاتان ئەنجام دەدات.

دوێنێ محەمەد شیاع سودانی، سەرۆك وەزیرانی عێراق، بەشداری لە كۆبوونەوە و گفتوگۆكانی تایبەت بە كاروباری جیهانی، لەوانەش ئاسایش و سەقامگیری نێودەوڵەتی گەیشتە ئەڵمانیا.