پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
یەکەی کارگێڕی و بەڕێوەبەری فڕۆکەخانەی نێودەوڵەتی کەرکوک رایگەیاند، لەمانگی ئایندەوە گەشتەکانیان بۆ هەردوو وڵاتی سعودییە و ئێران دەست پێدەکات.
هەردی سەمەد بەڕێوەبەری بەشی راگەیاندنی فڕۆکەخانەی نێودەوڵەتی کەرکوک راگەیاند، فڕۆکەخانەی نێودەوڵەتی کەرکوک ئامادەکاری کردووە بۆ دەستپێکردن بە گەشتەکانی مەککە و مەدینە لە مانگی داهاتوودا و رۆژانە چوار گەشت ئەنجام دەدرێت.
سەبارەت بە گەشتەکانی ئێران وتی، لە ١٥ی مانگی ئایندەدا گەشتەکان دەستپێدەکات و رۆژانە گەشتێکی ئێران بەڕێدەکرێت.
هەردی سەمەد روونیشیکردەوە، فڕۆکەخانەی نێودەوڵەتی کەرکوک دەیەوێت گەشتە ئاسمانییەکانی لەگەڵ چەندین پایتەختی دیکەی وڵاتاندا دەست پێبکات لە تەواوی جیهاندا و لە مانگی ئازاردا بە تەواوی رایدەگەیەنێت.
بەڕێوەبەری بەشی راگەیاندنی فڕۆکەخانەی نێودەوڵەتی کەرکوک وتیشی، گەشتە ناوخۆیی و دەرەکییەکان بۆ تورکیا بە ئاسانی بەڕێوەدەچن.