شاندی ئاسایشی ئیسرائیل سەردانی خەرتوم دەكەن

پۆڵەتیك پرێس

رۆژنامەی قودس پۆستی ئیسرائیلی لە زاری بەرپرسانی ئیسرائیلیەوە بڵاویكردەوە، شاندێكی ئاسایشی ئیسرائیل لە ماوەی چەند ڕۆژێكدا سەردانی خەرتوم دەكات و تاوتوێی ڕێكەوتنەكانی هاوكاری ئەمنی لەگەڵ سودان دەكەن.

بەرپرسە ئیسرائیلییەكان بە رۆژنامەكەیان راگەیاندووە، ماۆز ڕاوێژكاری بنیامین نەتانیاهۆ سەرۆك وەزیران بۆ كاروباری جیهانی عەرەبی سەرۆكایەتی شاندەكە دەكات .

ئەوەش خراوەتەڕوو، مانگی ڕابردوو ماۆز ڕۆژێك پێش ڕاگەیاندنی دەستپێكردنی پەیوەندییەكان سەردانی خەرتوومی كردووە ئەوەش وەك ئامادەكارییەك بۆ كۆتایی پێهێنانی كاروباری ئەو ڕێككەوتنەی نێوانیان .

ڕۆژنامەكە دەشڵێت ، لەماوەی چەند هەفتەیەكدا وەفدێكی دیكەی تەكنیكی ئابووری دەگەنە خەرتوم.

پێشتریش وتەبێژی وەزارەتی دەرەوەی سودان رایگەیاند، دەیانەوێت رێككەوتنی ئاشتی لەگەڵ ئیسرائیل بكەن و ئەم بابەتەشیان نەشاردووەتەوە كە پەیوەندییان لەگەڵ ئەو وڵاتەدا هەیە.

 

ناوەڕاستی مانگی ئەیلولی ئەمساڵ بەئاامادەبوونی دۆناڵد ترەمپ لە واشنتۆن، ئیسرائیل رێككەوتنی لەگەڵ هەریەكە لە ئیمارات و بەحرێن واژۆكرد.

پێشتریش، میسر لە ساڵی ١٩٧٩و ئوردنیش لە ساڵی ١٩٩٤ وەكو دوو وڵاتی عەرەبی رێككەوتنی ئاساییكردنەوەی پەیوەندییەكانیان لەگەڵ ئیسرائیلدا واژۆكردووە.

پەخشی راستەوخۆی رادیۆ پۆلەتیک